Af raunum heimasætunnar....

Þurfti að bregða mér á læknavaktina í nú í kvöld þar sem unglingnum á heimilinu, sem hefur legið rúmföst á aðra viku, hafði slegið niður. Var kominn með hátt í 39 stiga hita, eyrnaverk og hor á báðar nasir. Reyndar hóf hún veikindatörnina á ælupest sem rann af henni um helgina en þá tók við hitaslæðingur og hálsbólga. Og núna er hún trúlegast kominn með RS vírus samkvæmt doktornum á Læknavaktinni. Sá sagði okkur af því að einar fjórar umgangspestir hrjái nú landann. Nýjustu fréttir úr skóla unglingsins eru þær að 65 nemendur af 300+ hafi mætt í tíma í gær.

"Ég þoli þetta ekki" hvæsti hún í átt að foreldrum sínum eins og við værum ábyrg fyrir því að hafa smitað hana. "... og svo er ég orðinn húkt á "My Sweet Fat Valentina". Þetta er náttúrulega bara sorglegt."

Annað var það ekki......

Athugasemdir

[Skotta (IP-tala skráð) 18.2.2007 kl. 12:09]

Er búin að fatta þetta vonlausa kommentakerfi, loksins, eftir að mörg gullkornin hafi fari til spillis á þessari síðu.  Alveg hræðilega sorglegt fyrir handhafa Laddaverðlaunanna.

Óska heimasætunni góðs bata.