Ristilskoðun

23.10.2007 | 15:12

Ein af mínum stærstu upplífunum í lífinu er þegar ég fór og lét skoða á mér skítrörið. Síðan eru liðin nokkur ár. Á þeim tíma hef ég ekki þreyst á að láta hvern þann sem vill heyra, að það sé hverjum og einum hollt, bæði í forvarnarskini sem og til skemmtunar, að fara í gegnum í það minnsta eina ristilspeglun. Einhverjir gætu haldið að mér hafi fundist speglunin lítið mál og léttvæg en það er nú þvert á móti. Þótt maður öskri sem ljón þá blundar músarhjartað í manni sérstaklega þegar kemur að því að láta ókunnuga menn skoða á sér rassgatið. Það var nefnilega svo að eftir að Dr. Hallgrímur hafði lokið sér að í ristlinum á mér kvaddi hann mig með virktum og sagði nauðsynlegt fyrir mig að koma aftur að 2-3 þrem árum liðnum þar sem separnir sem hann skrapaði í burtu ættu það til að koma aftur. Síðan eru liðin 5 ár og ég hef ekki enn farið aftur til Dr. Hallgríms. Er það ekki síst vegna minninga um úthreinsunardagana 2 sem sagt var frá í smásögunni "Tveir tankar í Helvíti" en svo er heilinn svo merkilegt verkfæri að hann lætur mann oft gleyma hlutum eins og að panta tíma. En nú verður breyting á. Ég á tíma 6. nóvember og geri ráð fyrir því að í framhaldi vilji Hallgrímur líta í görn. Það held ég að móðir mín gleðjist. Og verið þið viss þið fáið að fylgjast með. Sem aukabónus á þessa færslu læt ég fylgja með 20 vinsælustu leitarskilyrðin varðandi ristilspeglun sl. mánuð á Google. (Nr. 20 truflar vissulega.)

1. colonoscopy

2. colonoscopy procedure

3. colonoscopy prep

4. katie couric colonoscopy

5. virtual colonoscopy

6. colonoscopy preparation

7. colonoscopy sedation

8. colonoscopy jokes

9. colonoscopy video

10. aetna health insurance virtual colonoscopy

11. aetna health insurance and virtual colonoscopy

12. colonoscopy cartoons