1. apríll

Fyrir nokkuð mörgum árum var ég látinn hlaupa apríl af sænskum mági. Eins og kunnugir greina í tón mínum þá hefur honum ekki enn verið fyrirgefið, enda maðurinn finnskur í aðra ættina. Það eru fleiri sem hafa orðið fyrir barðinu á honum.

Ég mætti á stórum sendiferðabíl á miðjum Skólavörðustíg kl 9:00 á sunnudagsmorgni til þess að ná í ísskáp.

Einhver átti símtal við biskup sem átti að vera með Led Zeppelin plötusafn á útsölu.

Annar mætti í kafaragalla niður á bryggju til þess að skera net úr skrúfu.

Sumir mættu í vinnu við tónleika í Laugadalshöll.

Þetta er bara nokkur dæmi sem mér dettur í hug.

Það var þó aðallega á fyrstu árum útlendingsins sem við féllum fyrir þessu enda hef ég undanfarin 10 ár eða svo verið í samtökum sem sérhæfa sig í því að koma í veg fyrir að svíanum takist að aprígabba. Við sendum samviskulega út viðvaranir til hvers annars á þessum degi hvert ár. Það hefur margkomið í veg fyrir hrekki svíans og að þeim punkti að hann virðist vera farinn að missa áhugan fyrir þessari skemtun sinni.

Og það var einmitt það sem beðið var eftir. Eins og reiði guðanna steyptum við okkur yfir hann og lögðum fyrir hann snöru sem hann ekki einungis gekk beint í heldur flækti sig í henni eins og sært dýr þegar hann reyndi að afsaka sig og gera lítið úr því að hann hefði hlaupið apríl. Buhuhuhuuu.....

Síðan eru liðin tvö ár og hann virðist hafa áttað sig á því að það er ekkert fyndið þega bitur aulahrollurinn rennur í gegnum mann þegar maður áttar sig á því að hafa verið plataður. Við tökum þó enga sénsa og í dag eins og aðra aprílgabbs daga var sent út "Janalert".

Annað var það ekki.......

Athugasemdir

[Ingveldur Lára Þórðardóttir, 2.4.2007 kl. 23:45]

Tónninn er svo beiskur að maðurinn er sagður finnskur í aðra ættina... hvað skyldi hann þá vera í hina?  Reyndar er endalaust hægt að kalla hann Svía.  Hann er svoleiðis ríkisborgari.  Náttúrulega íslenskur líka...

Hins vegar er ég búin að gleyma snörunni.  Hvernig var hún aftur?

[Ólafur Þórðarson, 3.4.2007 kl. 20:39]

Einu sinni var sófi.......